Fotograf: Ingerid Jordal
Eg bruker den tekstile teknikken tufting i arbeida mine. Med denne teknikken kan eg lage tepper med lugg eller løkker/loop. Med ein tuftepistol skyt eg inn garnet i ein duk av polyester, som er spent opp på ei stor ramme. Eg arbeider spegelvendt, på baksida av motivet. Før eg kan starte med tuftinga arbeider eg med skisser i akvarell, deretter teiknar eg opp motivet med tusj på tufteduken. Eg fargar ikkje garnet sjølv, men med utgangspunkt i akvarellskissa plukkar eg paletten eg vil bruke, ved hjelp av fargekarta til ulike garnprodusentar.